АБ'ЕКТЫЎныя навіны

Пра геяў

Wed, 16 Dec 2009 21:43:30 GMT

Мяне заўсёды ўражваў кансэрватызм, калі не сказаць маргінальнасьць, камэнтатараў на сайце НН. Інтэрнэт засвоілі, а кругагляд пашырыць забылі. Яны хаюць усё - уладу, апазыцыю, лысых катоў, мадэляў. Гэта - распуста, тое - вычварэнства.

Сёньня накінуліся на хлопцаў, якія выйшлі да іранскай амбасады пратэставаць супраць забойства дзесяці геяў Ірана (у тым ліку васьмі падлеткаў), якіх у гэтай краіне асудзілі на смерць за «садамію». Здавалася б, пратэст супраць забойства падлеткаў - што тут кепскага? Ды не, палілося ў каментах і пра гамасекаў, і пра гамашоў, і пра "яны піхаюцца ў с..ку".

Тое, што НН пры даволі жорсткай мадэрацыі прапускае гэта ў этэр, хай застанецца сьведчаньнем шырыні кругагляда мадэратараў. Я ж працытую толькі адзін камент ад Aleg:

Вы, палаючыя гневам і злобай, ганіцелі....Прапаную вам адмовіцца ад чытаньняў (да вы хіба чытаеце мала) такіх вялікіх мысьляроў як Сакрат, Плятон, Антысфэн, Арыстоцель, Дыяген, Зянон, Эразм Ратэрдамскі, Бэкон,Мантэнь, Бэнтам, Вітгенштэйн, Кьеркегор, Чаадаеў, Бердзяеў, Сантаяна, Барт, Фуко, Альтюсэр - яны ж \"садамітамі і \"дупалізамі\" былі...

Тыраназабойцы,якія б скрыжавалі мячы за сваю годнасьць з вашымі адрузлымі-Гармодзі і Арыстогітон,\"бацька туркаў\" заснавальнік сучаснае Турэччыны Мустафа Кемаль Атацюрк, прэзыдэнт Гішпанскай рэспублікі, які супрацьстаяў рэжыму Франка Мануэль Азана....

Вядома,трэба адмовіцца і ад прагляду Алімпіяды, бо заснавальнік сёньняшніх гульняў барон Пьер дэ Кубэртен (спрэчная, канешне, асоба - бо адмаўляў жанчынам нават удзельнічаць у Алімпійскіх гульнях) быў гомасэксуалам таксама.

А яшчэ заснавальнік Чырвонага Крыжу Анрі Дзюнан, заснавальнік руху бой-скаўтаў лорд Фрэнсіс Баден-Пауэлл быў не педафілам, а геем, які любіў мужчын свайго веку....

Вандроўнікі Джэймс Кук, Сэсіль Родс, Стэнлі, Бартон і Пржэвальскі таксама не адрозьніваліся ад ганімых вамі геяў!

Дазволю сабе яшчэ ўзгадаць і навукоўцаў, выбарна так, каб не займаць шмат месца: Плутарх, Вінкельман (\"бацька мастацтвазнаўства і архэалёгіі\"), Гумбольдт, Іаганэс фон Мюллер, Вэстэрмарк (гісторык сямейна-шлюбных стасункаў), Жорж Дзюмезіль, Дж. Мэйнард Кэйнз, а ныцыянальны герой Ангельшчы, вынаходнік першага кампутара Алан Цюрынг - вам што-небудзь кажуць гэтыя імёны?

Працягваю.....мастакі, значыцца на чарзе ў сьпіс тых, каго ніякім чынам нельга надзяляць увагай і заносіць у \"нармальных\"... Леанарда да Вінчы, Альбрэхт Дзюрэр, Бацічэлі Мікэланджела Буанароці, Бенвэнута Чэліні, Караваджо, Эжен Делакруа, Жэрыко, Клод Моне, Дземут, бісэксуальныя Далі (раман з Лоркай), Радэн, Пікассо (Както)...Сомаў, Пятроў-Водкін, Аляксееў, Нікіцін!

У тэатры хадзіць нельга, запомніце, нельга на п\'есы Сафокла, Эўрыпіда, Маро, Мальера, Клейста, Лоркі, Уільямса, Бэнавэнтэ і шмат каго яшчэ... Не хавалі свайго гомасэксуальнага каханьня і Вэргілі, Катулл, Гарацы, Марцыял, Ювэнал, Абу Навас, Ібн Хазм, Саадзі, Хафіз, Блэйк, Байран, Шэллі, Тэннісан, Бадлер, Рімбо, Віён, Кіплінг, Жак д\'Адэльсвар-Фэрзан, Уолт Уітмэн, Уістан Одэн і сотні іншых розумаў чалавецтва...

Пагадзіцеся,калі мы чытаем вялікіх пісьменьнікаў, мы не задумваемся аб тым - як з кім і ў якіх позах паводзілі яны сабе ў спальным.... Сэрвантэс, Бальзак, Флабэр, Уайлд, Пруст, Стрындбэрг, Андэрсэн, Вэрн, Моэм, Мэлвіл, Манн, Місіма, Олбі, Гінзбэрг, Дуглас, Картасар, Керуак, Сэлінджэр, Арагон, Арно, Экэрлт, Спэнсэр.....

Парочную музыку і вычварэнцаў кампазытараў таксама адкідваем. Гендэль, Люллі, Беліні,, Шубэрт, Вагнэр, Чайкоўскі, Равель, Сен-Санс, Пулэнк, Бэнджамэн Брітэн, Густаў Малер. Ніжінскі, Лефар, Нурыеў, Дзягілеў, Артон, Жан Марэ, Лоўрэнс Алів\'е, Марлон Брандо, Эйзэнштэйн, Вісконці, Пазаліні, Жак Както,Уорхал, Фассбіндэр, Азон, Джармэн, Параджанаў.....

Дызайнэры, канешне, проста калёнія грэшнікаў....Бальмэн, Жак, Фат, Дзіор, Іў Сэн Ларан, Вэрсачэ, Дольчэ,Габана....

Рыгор Барадулін

Mon, 07 Dec 2009 22:04:13 GMT

Такіх мужчынаў мала - разумны, высакародны, з выдатным пачуцьцём гумару і з пазытыўнай энэргетыкай.

Мяфнай раніцы!

Sun, 06 Dec 2009 23:37:07 GMT

Трохі пазітыву ў панядзелкавы ранак...

Хвіліны шчасьця

Sun, 06 Dec 2009 23:11:07 GMT

Калі бацькі сваім дзеткам набываюць папкорн і салодкую вату, зразумела, на што яны разьлічваюць. Але калі дарослы дзядзька набывае 30-гадовым цёткам салодкую вату і папкорн - што ён ад іх чакае? :))

У Менску праходзіць чэмпіянат цырульніцкага майстэрства

Fri, 04 Dec 2009 16:16:28 GMT

~~Тэма сісек раскрыта~~ Яшчэ здымкі...

Французы і Барысаў

Mon, 30 Nov 2009 21:56:42 GMT

Пад Барысавам прайшлі ўрачыстасці, прысвечаныя 197‑й гадавіне пераправы арміі Напалеона праз Бярэзіну.
ЗДЫМКІ...

Сімпацяшка, да?

Берлусконі набыў барысаўскую вазу ў менскім "Крышталі"

Mon, 30 Nov 2009 20:25:46 GMT

"Пасля ўскладання кветак да манумента на плошчы Перамогі, кіраўнік ураду Італьянскай Рэспублікі вырашаў прагуляцца па беларускай сталіцы. Кароткі шпацыр скончылася ў краме «Крышталь», што на галоўным праспекце. Там уладальнік футбольнага клуба «Мілан» набыў цукерачніцу і вазу для садавіны барысаўскай вытворчасці агульным коштам больш за 800 тыс. беларускіх рублёў", - піша НН.

Далей і са здымкамі...

зЫ: У вялікага аматара жанчын Сільвіё касыя вочы і, як сьцьвярджаюць маскоўскія калегі, псарыяз...

Як нашае жыцьцё

Thu, 26 Nov 2009 15:07:24 GMT

Кляштар базыльян у Барунах ператварылі ў прыбіральню. ЗДЫМКІ...

І колькі яшчэ такіх у Беларусі...

Мілінкевіч гатовы зноў ісці ў прэзідэнты

Sat, 14 Nov 2009 21:05:41 GMT

У Менску прайшоў Беларускі Еўрапейскі Форум

Аліеў у Менску

Thu, 12 Nov 2009 16:48:06 GMT

ЗДЫМКІ...

Belarusian Fashion Week

Sun, 08 Nov 2009 13:28:25 GMT

Тыдзень моды Беларусі скончыўся VIP-паказам трэндавых аўтарскіх калекцый "Вясна-лета 2010" дызайнераў Цэнтра Моды. У якасці госця сваю калекцыю прадэманстраваў таксама французскі дызайнер, выхадзец з Беларусі, Юрый Кот. Праходзіла мерапрыемства ў сталічным клубе "Next".

ЗДЫМКІ...

Тое, што называлася "Тыдзень моды", праходзіла тры дні. Прычым той самы "Цэнтр моды" паказваў фактычна адное і тое ж па 2-3 тры разы. Па сутнасьці, усё можна было б уціснуць у адзін дзень, зрабіўны прыгожае шоў. Бо на Fashion Week гэта не цягнула.

Затое было паведамлена, што неўзабаве адкрыецца фірмовая крама "Цэнтру моды" (у ГЦ "Экспабел"!), дзе ўсе гэтыя шмотачкі можна будзе набыць.

Камуністы

Sat, 07 Nov 2009 11:31:58 GMT

ЗДЫМКІ...

А вы такое будзеце насіць?

Thu, 05 Nov 2009 14:43:30 GMT

Тыдзень моды Беларусі адкрыў фэст «Лён-2009».
ЗДЫМКІ...

На фота - калекцыя «Нягледзячы ні на што» Натальлі Гайдаржы.

Суб'ектыўна канешне, але беларуская мода ў мяне выклікае пачуцьцё ммм... няёмкасьці штолі. Не хачу нікога пакрыўдзіць, але вядучыя беларускія мадэльеры працавалі над гэтым год. І ладна бы, але гучала, што многае з таго будзе прадавацца ў крамах. Пад катам - рэчы, што "спадабаліся" найбольш.

Гэта - крэатыў ад "Цэнтра Моды", Менск.

"Бабруйсктрыкатаж".

"Бабруйсктрыкатаж". Від спераду.

Тое ж самае, від ззаду.

Калекцыя «Нягледзячы ні на што».

Я ўжо маўчу, што хітом некаторых калекцый сталі штаны "афгані", якія ўжо ва ўсім сьвеце павыходзілі з моды год таму. Зноў жа, прыемна, што сталі рабіць дызайнерскія рэчы для нехудышак. Але, наколькі я разумею, многія жанчыны сказалі б дзякуй, каб вопратка хавала недахопы фігуры, а не пакрэсьлівала тлустыя складкі блёсткамі і рюшачкамі.

Хру-хру

Tue, 03 Nov 2009 15:14:07 GMT

Колькі ўжо казалі, маскі трэба насіць у транспарце/памяшканьнях, а не на вуліцы!! А то пераводзяць стратэгічны прадукт.

Свінскі грып

Fri, 30 Oct 2009 14:58:29 GMT

Нарэшцеабвесьцілі - ў Беларусі зафіксавана 38 выпадкаў свінога грыпу, паведамляе Мінздароўя. Між тым, вакцына ад грыпу A(H1N1) будзе пастаўлена ў Беларусь толькі ў канцы лістапада — снежні.

Я вось толькі не разумею, для тых, хто хоча прывіцца ад усіх штамаў грыпу, трэба рабіць дзьве прышчэпкі? Ці вакцына ад грыпу A(H1N1) будзе ўключаць у сябе А, В ці якія яшчэ там у грыпа разнастайнасьці?

"А што за сьвята? Лукашэнка памёр?"

Fri, 30 Oct 2009 00:34:55 GMT

Вось дзеля такіх, здавалася б, шэраговых здымкаў, правяла больш за 3 гадзіны ў пастарунку. Зьбілі на маіх вачох калегу з Радыё Свабоды dranik80 , забралі маю апаратуру, дакуманты, нават шнуркі... Аднаму Богу ці начальніку Першамайскага РУУС вядома, чаму я-такі не паехала на Акрэсьціна разам з трыма затрыманымі за вывешваньне сьцягоў. АЛЕ: толькі дзякуючы таму, што зрэдку чытаю беларускае заканадаўства, удалося пазьбегнуць 1) асабістага дагляду, 2) дактыласкапіі, 3)пастаноўкі на відэаўлік.

1). Ідэя пра асабісты дагляд узьнікла пасьля таго, як высьветлілася, што ў фоціку няма флэшкі, і, адпаведна, немагчыма сьцерці здымкі. Я сказала, што вельмі спадзяюся, што панятыя жыночага полу для гэтага ёсьць (адзіная дама-міліцыянтка для асабістага агляду ў Першамайскім РУУС знайшлася). Панятых вылавілі на вуліцы - дзьвюх дзяўчатак. Я ім прачытала кароткую лекцыю пра тое, што закон іх не абавязвае да вычварэнства ў выглядзе назіраньня за маім голым целам. І пасьля нядоўгага перашэптваньня яны проста зьбеглі. Іншых не знайшлі - і ня дзіва, апоўначы па зав.Індустрыяльным нармальныя людзі ня ходязяць.

2). Дактыласкапія - мянты спрабуюць даводзіць, што маюць права адкатаць пальчыкі ўсіх затрыманых. Але ў законе (ён там на сьцяне вісіць) напісана, што толькі адміністратыўна затрыманым, хто падлягае арышту. У маім выпадку, гэтыя гніды пратакол не складалі (журналіст жа ціпа), але хацелі абшманаць, адкатаць і зафільмаваць. Ну я і кажу - складайце пратакол (хаця б па хуліганцы), тады і адкатаем. Пратакол скласьці пабаяліся.

3). Да відэа справа нават не дайшла - бо хапіла маіх аргумантаў па папярэднім пункце. Не знайшлі для мяне вытрымку з закона, дзе было б напісана, што я без складаньня пратаколу падлягаю працэдуры пастаноўкі на відэаўлік.

ЗДЫМКІ...

У "плюсе" - флэшка са здымкамі пры мне. Рэдактар прыехаў пад РУУС з паляндвіцай у якасьці маёй маральнай кампэнсацыі (а кампенсаваць было што - адзін пах мачы ў будынку РУУС варты асобнай паэмы, плюс лёгкае рукапрыкладцтва мянтоўскіх гнідаў і перспектыва агаліцца для пратаколу) і пасьля выдаў наступны шэдэўр ;)

Але самым яскравым уражаньнем была паніка мянтоў, якія прапусьцілі сотню бчб сьцягоў у цэнтры горада. Бачылі б вы, як яны бегалі ад слупа да слупа, падпрыгвалі... Як сказала barbanel , няведаньне тэрміну "кагнітыўны дыссананс" не вызваляе ад яго дэманстрацыі на твары...

Каля «Мінск-2» разбіўся авіяляйнер

Tue, 27 Oct 2009 03:41:02 GMT

Інтэрфакс перадае, што пасажыры ляцелі ў адкрытае днямі ў Менску казіно "Шангрыла". Двое пасажыраў і трое членаў экіпажу загінулі. Адзін пасажыр не прыйшоў на пасадку, пашанцавала.

ЗДЫМКІ...

БАТЭ сьвяткаваў перамогу на паўпустым стадыёне

Thu, 22 Oct 2009 23:04:15 GMT

Ці то дождж, ці то нашыя футбольныя заўзятары зажраліся, але падчас матчу БАТЭ-АЕК менскі стадыён "Дынама" быў запоўнены добра калі напалову. Нягледзячы на гэта, барысаўскі клюб атрымаў першую перамогу ў групавых этапах еўракубкаў.

2:1 - ЗДЫМКІ...

ЗЫ: не распрануўся Ганчарэнка :(

Крапавыя берэты

Thu, 22 Oct 2009 12:52:14 GMT

Ва ўнутраных войсках МУС Беларусі праходзяць кваліфікацыйныя выпрабаванні на права нашэння крапавага берэта. Ён лічыцца сімвалам мужнасці, гонару і годнасці ваеннаслужачых УВ.

ЗДЫМКІ... ~~для Тані :)~~

Навумаў-марафонец

Sat, 17 Oct 2009 08:47:28 GMT

Асноўная мэта акцыі — дапамога ў зборы сродкаў на дарагую аперацыю для двухгадовага сляпога хлопчыка.
Яшчэ здымкі...

Акцыя на Кастрычніцкай

Fri, 16 Oct 2009 16:55:08 GMT

Разагналі так хутка, што ніхто не зразумеў, што адбылося. А яшчэ ў нашых мянтоў новая тактыка - ужо якую акцыю не даюць здымаць. Кідаюцца на камэры, закрываюць аб'ектывы.

Яшчэ здымкі...

На здымку бачна, як мент (у блакітным) падкраўся сзаду і праз імгненьне ён вырве партрэты з рук мітынгуючага.

Іешыва ў Валожыне

Thu, 15 Oct 2009 15:28:43 GMT

Група габрэйскіх пілігрымаў прыехала ў Беларусь пакланіцца іўдзейскім сьвятыням і слынным мясьцінам. Вядомыя равіны і іх вучні з США, Ізраілю і Брытаніі наведалі Радунь, Валожын, Мір, Пружаны й Берасце.

ЯШЧЭ ЗДЫМКІ...

На здымку - валожынская іешыва (духоўная вучэльня), самая старая ва Ўсходней Эўропе. Збудаваная ў 1806 годзе, іешыва была забароненая царскім урадам, але дзейнічала фактычна да другой сусьветнай, калі апошнія 60 навучэнцаў разам з равінам былі растраляныя нацыстамі, - піша Глобус Беларусі.

Перапіс

Wed, 14 Oct 2009 20:23:17 GMT

Валожын.

Падрыхтавалі пальчаткі-шалікі?

Wed, 14 Oct 2009 19:17:01 GMT

Валожыншчына сёньня...

Баль у Агінскіх

Mon, 12 Oct 2009 09:13:09 GMT

З'ездзіла на баль...